Plantun de Prouvènço

Pèr coumpara dos planto d'encò nostre

Juncus gerardi & Thymus odoratissimus

Juncus gerardi

Juncaceae

Nom en français : Jonc de Gérard.

Descripcioun :
Aquéu jounc es uno planto renadivo emé de long rizoumo. Trachis dins li prado e pelouso umido, pulèu richo en sau e pas trop liuen de la mar. Fai uno pelouso gaire sarrado. Èi proche de Juncus compressus e coume éu si tepalo soun emé un bout redoun. Se destrìo pamens que si tepalo, longo de 3 à 3,5 mm, soun bruno e mai sourno sus li bord. Lou fru madur li despasso de mens de 1 mm e la brateolo èi peréu bruno. Coumpara emé lou joun-di-cambo-plato que ié sèmblo proun .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) enflourejado : 3 à 10 cm
Flourido : Printèms - Estiéu

Sòu : Ca
Autour basso e auto : 0 à 900 m
Aparado : Noun
Mai à juin

Liò : Prado umido - Pelouso emé sau
Estànci : Termoumediterran à Mesoumediterran
Couroulougi : Bourealo
Ref. sc. : Juncus gerardi Loisel., 1809

Ferigouleto(-óudouranto)

Thymus odoratissimus

Lamiaceae Labiaceae

Àutri noum : Farigouleto, Serpoulet, Badassoun, Menudet.

Nom en français : Serpolet très odorant.

Descripcioun :
Aquesto ferigouleto trachis is adré de basso mountagno dins li tepiero seco. Coume tóuti li serpoulet èi pas di mai eisado de destria. Fai partido dóu group di fueio ciliado emé de ramo lateralo que crèisson dins l'an d'un biais iregulié e flourisson (planto simpoudico). Aquésti ramo de flour an pas li fueio de la baso en fausso-rouseto. Li cambo redouno porton de péu pulèu long e dre.

Usanço :
La ferigouleto(-óudouranto) a à pau près li mémi prouprieta qu'aquéli de la ferigoulo estènt quand meme mens forto.

Port : Erbo
Taio : 5 à 20 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Thymus
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Tepiero seco - Bos clar
Estànci : Subremediterran à Mountagnard
Couroulougi : Ouroufito-Aupènco-Sud-Ouèst
Ref. sc. : Thymus odoratissimus Mill., 1768 (= Thymus glabrescens Willd., 1811 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Juncus gerardi & Thymus odoratissimus

ges

Coumpara Jounc(-de-Gérard) emé uno autro planto

Coumpara Ferigouleto(-óudouranto) emé uno autro planto